Ol lǜf e la bólp
Ol lǜf e la bólp
'N dì i và ditè 'ndè 'n bàit dè móntàgna 'ndua al frésch sǜ 'nden rongiàl de acqua ghé iló 'na grànt cónca dè ràm piéna dè làc’.
La bólp la dìs al sò amìis: "ghè sura fói piscéni e bachec' de légn, laga ca i lechi sǜ mi!", e iscé la se lèca sǜ de güst la pàna.
'L lǜf 'l specia, pò 'l bìif tǜt ol làc’ spanàat.
'L rua ol pastóor e la bólp la scapa dala puleröla da 'ndua i dùu iera 'ndàc' dité, ma ol lǜf, 'nfiàat dal lac' tracanàat, 'l ghè rua ca a pasàa e al se ciapàa sü tati legnàdi fìn'ca lè ridót a 'na pelascia, iscé 'l pö 'nfilàs fò a lǜü da chèl böc' strec'.
La bólp, ndèl fratèep, iló a speciàa 'ndèl bósch tacàat, la maiàat nisciṍli e coi güs la fàc' scià 'na colàna ca la se mèsa 'ntóren al còl.
Quànca la vìt ruàa ol lǜf cal źòpegava, la scürlìs la colàna e la dìs: "àa mi sóo stàcia marelada sü; te sentèt cóma i me scrisciöla i òs".
Ciapàat da la compaśiù 'l lǜf credulù al tö sü a gigiola la bólp e, 'ntàat cal źopega, al lè pòrta a tórnàa 'n réet.
Li nòni li conclüdeva cola 'nteligènsa di véc’: " 'ndìi, 'ndìi a giügàa ca'l malàat 'l porta 'l saa!"
Il lupo e la volpe
Un giorno entrano nel locale di montagna per la conservazione dle latte, dove al fresco su un rivolo d'acqua sta una grande conca di rame piena di latte.
La volpe dice al compagno: «ci sono foglioline e piccoli legnetti, lascia che pulisco io!» e così si lecca con gusto la panna.
Il lupo attende, poi beve tutto il latte scremato.
Sopraggiunge il pastore e la volpe scappa dal pertugio da cui i due sono entrati, ma il lupo, fatto gonfio dal liquido trangugiato, non riesce a passare e si prende sonore legnate, sino a che, ridotto a pellaccia, può infilarsi lui pure in quel buco stretto.
La volpe, frattanto, in attesa nel bosco vicino, ha mangiato nocciole e coi gusci ha fatto una collana infilandosela poi attorno al collo.
Quando vede giungere il lupo zoppicante, scuote la collana e dice: «Pur io son stata bastonata: senti come mi scricchiolano le ossa!».
Preso da compassione, il lupo credulone prende a cavalluccio la volpe e, zoppicando, la porta con sé nel ritorno.
Concludevano le nonne, con la saggezza dei vecchi: Andate, andate a giocare che il malato porta il sano!.
