Ol scosáal dèla nòna
di Paolo Piani - 01 novembre 2019
ÓL SCOSÁAL DÈLA NÒNA
Ol scosáal de la nòna l’era n’istituziù,
tüti a-i le portava, sènsa fáa eceziù:
al fava mila servizi, mila mèrec’ al ghéva,
gnáa da la fèsta, fan a meno ‘spodeva!
Prüm de tüt la vistina al riparava,
ca sóta de lüü quatada la stava,
‘mpǜ al ghéva ‘na bèla scarsèla,
‘ndùa mèt-gió ol panèt e la mèla;
Al sirviva da guant par ciapáa en máa
‘na padèla scotèta, da sùra ol fugláa,
e quai bòt par sügac-gió a ‘n rèdes i gutulù
quancà ‘l se fava ciapáa da la pasiù,
ù netàc-gió ol müsìi stróc e süáat,
parché senò la mama la garìs baiáat …
(… al gheva a ‘n’anèma delicada
‘sto tochèl de stofa en vita ligada!);
ù fai giügà a Momòo cèt!
col scosáal sül müs, töö e rimèt,
ù piacai sa en forèst al ruàva,
col quatàch sóta la facìna spàva.
Ma tüc’ i dì al regalava ‘na nuvità,
'n rimedi sücüur par ogni necessità:
al sirviva par tó-fó i ööf da la gnada,
e portai a cà sènsa fáa ‘na fritada,
o spostáa i puìi de sciüta, pèna sgüsciáac’,
par salvai da la rabbia dei gai spodestáac’!
(… al ghè voleva bée a ogni animáal
‘stò pöor, modèst, ǜmel scosáal !)
E, ‘nsèma, al fava sirvizi da cistìi
par portáa a cà verzi, pòmates e züchìi;
par remáa póm e pir sóta la pianta crodáac’,
dac’ gió prüma ca tüc’ a-i fóss marüdáac’.
En pǜ, quant ca ‘l frec’ al ruava
par la legna dèl fööc, da cavàgn al fava,
ma áa da bufèt, par la brasa ravivàa
sa la fiàma l’era smòrsa 'n dèl fugláa.
Con en colpèt da piàch, sènsa fàs notáa,
ol tàol al puliva sa ‘l Preòst ù ‘l Capeláa,
a-i ruava, a l’impruvisa, la cà a binidìi,
con la scüsa de tastáa 'n gót dèl nòs vìi !
Ma i scosài de li nóni, ligáac’ scià par mèz,
iè pasáac’ de moda urmai da ‘n gran pèz,
parché li nóni moderni, stém a sintìi,
iè quasi sempre tacadi … al telefunìi !
IL GREMBIULE (PARAGREMBO) DELLA NONNA
Il grembiule della nonna era un’istituzione,
tutte lo portavano, senza alcuna eccezione:
faceva mille servizi, mille meriti aveva,
neanche nei dì di festa, farne a meno si poteva!
Innanzitutto, il grembiule la veste riparava,
che sotto di lui nascosta restava,
ed inoltre aveva una comoda taschina,
dove riporre fazzoletto e roncolina;
serviva da guanto, con la mano per levare
una padella ardente dal focolare,
e talvolta, per asciugare ai bambini un lacrimone
quando si facevan prendere da grande emozione,
o pulirgli il visetto sporco e sudato,
perché magari la mamma lo avrebbe sgridato …
(… aveva anche un’anima delicata
questa pezza di stoffa in vita legata!);
o farli giocare a nascondino,
mettendoglielo e togliendoglielo dal musino !,
o nasconderli se uno sconosciuto arrivava,
coprendogli la faccina che di paura tremava.
Ma tutti i giorni regalava una novità,
un rimedio sicuro per ogni necessità:
serviva per prelevare le uova dal nido,
e portarle a casa senza alcun disguido,
o spostare i pulcini appena nati,
per sottrarli alla furia dei galli spodestati!
(… volevan bene pure agli animali
questi poveri, modesti, umili grembiali!)
E, nel contempo, serviva pure da cestino
per portare a casa verza, pomodoro e zucchino;
per raccogliere mele e pere, sotto la pianta cadute,
cascate prima che tutte fossero … mature!.
Inoltre, quando il freddo poi arriva
per la legna del camino, da cesto serviva,
ma anche da soffietto per ravvivar la brace
quando la fiamma come morta giace.
Con un piccolo gesto fugace della mano,
il tavolo puliva se il Prevosto o il Cappellano,
arrivavano, inaspettati, la casa a benedire,
ed un goccio di buon vino bisognava pur servire !
Ma i grembiuli delle nonne, legati in vita,
son passati di moda, per loro è finita,
perché le nonne moderne, più che al nipotino,
son molto più attaccate … al telefonino !
