Véc’ agricóltóor dè móntàgna
di Graziano Murada 01-08-2023
Véc’ agricóltóor dè móntàgna
I ghà la óos quièta i véc’ agricóltóor dèla móntàgna.
I ghà manéri düri e 'l ghé piàas ca tàat li gnagnóli.
Quaśi i sè vargógna dè dìi grazia.
I sè contèta dè pòoch: ol tèep, la tèera, ol maiàa.
Póchi pasiù: 'l laóràa, li fémni, i'animài, la càscia e ol vìi.
I ghà cà faci sü ala bùna, ma li sóo fémni iè fióor dè móntàgna.
Iè cóma i alpìi, ansi iè alpìi.
I ghà i màa pieni de cài e óngi nìgri dala tèera.
I còrp de lóor iè cóma stròpi dè scialésc.
I ghà ' müus fàc' gió col sügürèl.
Iè ca stùdiàac' ma i sà ca de la ià 'l ghè vargót.
La manéra ca i ghà dè vìif l'è ala màa però iè saré cóma càrpen a prùa dè vèet dèla tormèta.
Iè laóradóor mai strach, i pàsa tǜc’ i dì dè 'na vìta sóta 'l giṍöf dèla fadìga cóma mǜi paziénc'.
Mài 'n lamèet, 'na ribelliù.
Iè ca stìnch dè sant e quànca i bèstèma ai ghà ca pùura gnàch dèl sò Signóor, ma i và otrochè èn paradìis i óm fòrc' dèla mia tèera.
Iè cóma cèra tacada ali rivi dèla móntàgna.
Graziano Murada
Vecchi agricoltori di montagna
Hnno la voce ferma i vecchi agricoltori di montagna.
Hanno modi agri e detestano le smancerie.
Quasi si vergognano di dire grazie.
Hanno sogni semplici: il tempo, la terra, il mangiare.
Poche passioni: il lavoro, le donne, gli animali, la caccia e il vino.
Hanno case semplici, ma le loro donne sono fiori di montagna.
Sono come gli alpini, anzi sono alpini.
Hanno mani callose e unghie annerite dalla terra.
I loro corpi sono come "strope" di salici.
Hanno visi scolpiti con l'accetta.
Non sono istruiti ma sanno che al di là c'è qualcosa.
Il loro modo di vivere è semplice, però sono sereni come carpini a prova di bufera.
Sono lavoratori proverbiali, passano tutti i giorni di una vita sotto il giogo della fatica come muli pazienti.
Mai un lamento, una ribellione.
Non sono stichi di santo e quando bestemmiano non temono neppure il loro Dio, ma vanno certamente in paradiso i forti uomini della mia terra.
Sono come "cèra" (festuca) aggrappata ai pendii della montagna.
