Ol ragn e la ragnìna
di Vittorio Crapella 04-04-2025
OL RAGN E LA RAGNÌNA
A pasasü par chèla scala de sàs ité a Zapèl a mètà ghè 'n fèneströl cal varda ité 'ndèla stàla di vàchi, embée ilò ghèra 'n ragn di chìi béei gròs cola crös sü ndèla schéna ca l'eva tiràat i fìi dela sua ragnìna.
Chìli béli ragnìni ca li par facisü da 'n architèt dèl Pèntagono; e mi pasavi di gran momenc' a varda chèl cal fava ol ràgn.
E qunaca l'era piacàat a speciàa la sua preda, par pudìi idìl a l'opera a ´mbośolàa la mosca, ghè pensavi mì a ciapàn una da tràchté 'ndì fìi dèla ragnìna.
Ghè oleva miga tàat, de móschi 'nghée ca ghè vachi sè'n trùa sensa fà fadiga.
Apena tracia sùra ala ragnìna, la cercava de ùlaià ma ormai l'era 'ntrapola, e svèlt al ruava 'l ràgn ca con 'n pìù la mosca l'era sübèt paralizada.
Ilura ol ràgn al cumincia a fala gira entàat al lè fàsü coma 'n fagòt ndèl sò fìl e pò al lè frànca bée ala ragnìna.
Col traité la mosca 'n quai fìl 'ndava ròt e ilura ol ràgn sübet al sè meteva réet a giüsta coma 'n sart; al puntava ol sò fìl sü üu de chìi frànch e pò via da l'otra paart e notra puntada quasi coma 'na saldadura e 'mpòoch tèep tüta la ragnìna amò come nöa e lüu 'l tornava, sünsóm 'ndèn àngol a speciàa dapé cal rués n'òtro bao da 'mbalsamàa.
Mi quai olti par fal tebülàa e pudì idìl coma al fava a fà sü la ragnìna ghè rompevi 'n fìl principal, de chi cai francava la ragnìna al müur.
Già, la ragnìna la ndava 'mpóo a tolombola dala part ròta e lüu 'lsè 'ncòrgeva alàto.
Staòlta ol laoràa l'era püsé 'mpegnatif, iscé 'na puntadina al fìl e sta olta al sè lagava gió èn vèrtical fina a tùcagiò bàs sura al fineströl pò de corsa ià fina a ciapàsü ol müur par rampegasü e ruàa 'nghée ca ghè öl de saldàa il fil, ma prüma là de fasü 'mpìt la corda ca lè tròp longa.
'N spètacol ai idìl al'òpera. A chìi tèep ghéra gnamò 'l telefunìi par riprènt e fà 'n video.
Adès ca se pödarés filmàa quasi ghè ca gné faneströi, gné vachi, gné moschi e a i rèdes i güga ca pü coi ragn.
IL RAGNO E LA RAGNATELA
A salire quella scala in sasso in località Zappello, a metà c'è una finestrella che guarda dentro la stalla delle mucche, ebbene lì c'era un ragno di quelli belli grossi con la croce sulla schiena che aveva tirato i fili della sua ragnatela.
Quelle belle ragnatele che sembrano costruite da un architetto del Pentagono ; io passavo dei gran momenti ad osservare quello che faceva il ragno.
Quando era nascosto ad aspettare la sua preda, per poterlo vedere all'opera ad avvoltolare la mosca, provvedevo io a prenderne una da buttargli sopra i fili della ragnatela.
Non ci voleva molto, di mosche dove ci sono mucche se ne trovano senza fatica.
Appena buttata sopra la ragnatela, cercava di volar via ma oramai era in trappola, e svelto arrivava il ragno che con un morso la mosca era subito paralizzata.
Allora il ragno comincia a farla girare e intanto la arrotola come in un fagotto nel suo filo e poi la franca bene alla ragnatela.
Col buttare la mosca un qualche filo andava rotto e subito il ragno provvedeva a ripararla come un sarto; puntava il suo filo su uno di quelli sicuri e poi via dall'altra parte e ancora un puntatina quasi come una saldatura e in poco tempo tutta la ragnatela era come nuova e lui tornava su in cima in un angolo ad aspettare ancora che arrivasse un altro insetto da imbalsamare.
Io qualche volta, per farlo tribolare e poterlo osservare come riparava la ragnatela, gli rompevo un filo principale, di quelli che fissava la ragnatela al muro.
Già, così la ragnatela andava a penzoloni dalla parte rotta e lui si accorgeva immediatamente.
Questa volta il lavoro era più impegnativo, così una puntatina al filo e questa volta si calava in verticale fino a toccare sulla finestrella, poi di corsa fino al muro per arrampicarsi e arrivare dove saldare il filo, ma prima recuperava un po’ di corda abbondante .
Uno spettacolo a vederlo all'opera. A quei tempi non c'era ancora il telefonino per riprendere e fare un video.
Adesso che si potrebbe filmare, quasi non ci sono più né finestrelle, né mucche, né mosche e anche i bambini non giocano più con i ragni.
