Òl bèl dèla brütèzza
di Paolo Piani
ÒL BÈL DÈLA BRÜTÈZZA
Chèsta la lege dèla forèsta:
la belèzza la pasa, la brutèzza la rèsta!
L’è ‘na lege universàal
che val par ogni animàal!
*-*-*
La belèzza, come en pavù la se presènta,
la brütèzza come pàa e pulènta; 1)
ma pasàac’ i vinti, la prüma la cumincia a crodàa,
la segonda, pit a pit, cunfidensa a ciapàa.
La belèzza la ga 'n gran difèt,
sempre l’è süla ‘ndel sò mont perfèt:
de d’ótri virtù la ga miga bisogn,
òl so splendóor, òl pusé bèl sogn!
La süla vista, la laga a buca vèrta,
l’è coma d’envèren ‘na cuèrta:
la te quata gió al so tepór,
ti te se arèndet al so calór!
Ma quant ca la belèzza la taca a sfiurìi,
a chi ghè tuca, al ghe par da murìi;
nient al resta: gnè astuzia che briga,
gnè’ furba simpatia che’ ntriga!
Come en desèrt, òl sò univèrs,
de truàa morósi ghe pù vèrs;
àach i amìis pòoc a la òlta,
già da lontàa, a-i fa giraòlta!
*-*-*
Òl brüt, sempri al ga l’esigensa
da tignìi sveglia e viva l’inteligensa:
parchè sa ‘l fa cunt de fàa colp
con la sula presensa … pòra volp!
Al paśa òl téep e ‘l brüt al guadagna:
òl só müs coma ‘na lavagna,
dèla fadiga de vìif al porta i segn …
la sua facia 'l pusé bèl disegn!
La géet la ghe fa pù càas
sa ‘l ga córt li gambi e lónch 'l nàas!
Ai particolàar, la abituat la vista …
la sua simpatia, tüc’ la cunquista!
Li femni li cumincia a vardal con interès:
l’è ca bèl, ma al me piàas istès!
Varda che öc’: a-i par dùu fanai!
En vita mia, mai idùuc’ de iguai!
*-*-*
Pensarée ca la panzana ca vö cuntàat
l’è früt del mè scervèl malàat …
Ma par tiràa l’acqua al me mulì,
mi gö da crèdech de noc’ e dal dì!
IL BELLO DI ESSERE BRUTTI
Questa è la legge della foresta:
la bellezza passa, la bruttezza resta!
E’ una legge universale
che vale per ogni animale!
*-*-*
La bellezza, come un pavone si presenta,
la bruttezza come pane e polenta;
passati i venti, la prima comincia a crollare,
la seconda, passo passo,a prendere confidenza.
La bellezza ha un gran difetto,
sempre è sola nel suo mondo perfetto:
di altre virtù, non ha bisogno,
il suo splendore, il più bel sogno!
La sola vista, lascia a bocca aperta,
è come d’inverno una coperta:
ti copre al suo tepore,
tu ti arrendi al suo calore!
Ma quando la bellezza comincia a sfiorire,
a chi tocca, gli sembra di morire;
non resta niente: né astuzia che briga,
né’ furba simpatia che intriga!
Come un deserto, il suo universo,
di trovare fidanzate, non c’è più verso;
anche gli amici, poco alla volta,
già da lontano, fan giravolta!
*-*-*
Il brutto, sempre ha l’esigenza
di tenere sveglia e viva l’intelligenza:
perché se di far colpo fa conto
con la sola presenza … povero tonto!
Passa il tempo e il brutto guadagna:
il suo volto come una lavagna,
della fatica di vivere porta il segno …
la sua faccia il più bel disegno!
La gente non fa più caso
se ha le gambe corte e lungo il naso!
Ai particolari, ha abituato la vista …
la sua simpatia, tutti conquista!
Le donne cominciano a guardarlo con interesse:
non è bello, ma mi piace lo stesso!
Guarda che occhi: sembrano due fanali!
In vita mia, mai visti di uguali!
*-*-*
Penserete che la panzana che vi ho raccontato
sia frutto del mio cervello malato …
Ma per tirare l’acqua al mio mulino,
io devo crederci tutta notte fino al mattino!
NOTE
1) la brutèzza come pàa e pulènta: la bruttezza come pane e polenta, cioè semplice e genuina
