La scighèra
di Vittorio C. 21-05-2024
La scighèra
Sta scighèra, colóor ragnina,
la ghè mèt sü ol capèl
ala mòntagna tüta, fina sü ala scìma;
ilò la sè triga a speciàa ol bèl.
La 'mbutìs la vàl e pò a'l bósch
la ghè ròba la lüus
al sentéer cal pàr tüt fösch,
iscè negüu i na òia dè mètfò ol müus.
Lè 'n tèep de lümaghi e lümagòc',
'l ghè süa ca gnàa i pée,
i pö 'ndà èn gìr dal dì e de nòc'
pàr maiascià püsé bée.
Adès ca lè scià ura de segàa
par pudìi mèt dité ol fée,
a la scighèra l'arà de scapàa,
'l sùul la dè'ignìi fò bèlebée.
La nebbia
Questa nebbia, color ragnatela,
gli mette il cappello
alla montagna tutta, fin su alla cima;
lì si ferma ad aspettare il bello.
Riempie la valle e poi anche il bosco
gli ruba la luce
al sentiero che sembra tutto fosco,
così nessuno ha voglia di metter fuori il muso.
È un tempo di lumache e lumaconi,
non gli sudano nemmeno i piedi,
possono girare di giorno e di notte
per cibarsi meglio.
Adesso che è quasi ora di falciare,
per poter raccogliere il fieno,
anche la nebbia dovrà scappare,
il sole dovrà tonare per molto.
