Li fói dè somartìi
di Vittorio C. 04-11-2024
Li fói dè somartìi
La lüus dol sùul de travèers la sfròfa li dasi tüti gialdi di làres,
iscé i pésc coi sóo ràm verc' i rèsta i padrù dèla paghèra,
ilò a specià de 'mpinìs de nìif amò 'n bòt.
A ol pastóor là scià oltàat ià de portàa a bàita lültem ràas de dasól,
par fà pòsàa püsé bée li vàchi quanca iè bütadi gió sura 'l sòl dèla stàla,
a rümiàa ol bucù dè èrba maiadascià dal dì 'ndèl pràat ormai tüt cünsümàat.
Le sègn ca 'nòtro àn lè réet a finìi, entàat al par fìna truà pàas a chèl póor óm,
dopo ca la tràc' gió ol campàc' par 'ndà ité èn ca a trigàs,
dènàaz al bicéer con 'mpóo de vìi pena fac' fò dal fiàsch par bìen 'n tàc'.
'Ntàat cal òlsa ol bicéer s'ghé sè vìt li rughi sü la front,
li pàr scavadi dai déec de 'na ràsega 'nzernada,
fondi coma li fadighi pasadi èn tüc' i sóo àgn.
'L par fìna de idìi i öc' ràas de lagrimi,
magare al pensa a chèl ca la pasàat 'ndì sóo àgn,
al ghè par dè vì pèers tüti li fói coma li pianti dè sómartìi.
Orési ca'l födés noma ol füm 'ndi öc',
dè chìli dói tapi ca iè réet a smursciunàa,
sensa fiàma ité 'ndèl fùglàa.
Le foglie d'autunno
La luce del sole di traverso illumina le fronde tutte gialle dei larici,
così i pini con i loro rami vedri restano i padrone della pineta,
lì ad aspettare di riempirsi di neve ancora una volta.
Anche i pastore ha ormai terminato di portare in baita l'ultimo carico di aghi di pini e larici, per far riposare meglio le mucche quando sono sdraiate nel giaciglio della stalla, a ruminare il boccone di erba brucato di giorno nel prato ormai tutto consumato.
È segno che un altro anno sta per finire, intanto pare perfino trovare pace anche quel povero uomo, dopo che si è levato dalle spalle la grande gerla per andare in casa acquietarsi, davanti ad un bicchiere con un poco di vino, appena versato dal fiasco, per berne un sorso.
Intanto che alza il bicchiere gli si vede le rughe in fronte,
sembrano scavate dai denti di una sega poco affilata,
profonde come le fatiche passate in tutti i suo anni.
Sembra perfino di vedere gli occhi pieni di lacrime,
magari pensa ai suoi trascorsi,
gli pare di aver perso tutte le foglie come gli alberi d'autunno.
Vorrei fosse solo il fumo negli occhi,
di quei due ceppi di legna che bruciano male,
senza fiamma dentro il focolare.
