Òl cach
di Paolo Piani
ÒL CACH 1)
En di nos paés, al capita spès
che apröof a la cà, en del règrès, 2)
‘na pianta de cach la fa ornamènt
a tüt òl giardii e al casamènt.
Chi che pasa, a-i le varda e i pènsa:
che bèla pianta, che bela prèsènsa;
ma nügùu ai fa càas cà la sua bèlèzza, 3)
l’è miga li fói o ‘l früt ma la sagèzza. 4)
Òl cach, de Prümavéra l’è ‘n bagai inocènt 5)
ca al se carga de früc’ e amìs a cènt a cènt; 6)
al pasa quai mìis e ‘l rua l’estàat,
e òl rèdès i n’om l’è urmai diventaat! 7)
Al cünta i cach, al se mèt a pensàa:
ti te sée giüst, te fòo marüdàa;
de ti, al me par ca pos ca fidas, 8)
l’è méi ca te moli, te moli giò bas!
Iscè la ragiuna la pianta del cach,
istès al fa l’óm sa le miga margnach: 9)
i amìs sincéer, sül cóor se da tignii,
i òtri l’è méi giò bas a marscii!
Albosaggia, 26.11.2012 Paolo Piani
NOTE.
1) Ol cac: la pianta di cachi
2) che apröf a la cà, en del règrès: vicino alla casa, nel giardino
3) ma nügùu a-i fa càas cà la sua bèlèzza: ma nessuno fa caso che la sua bellezza
4) l’è miga li fói o ‘l früt ma la sagèzza: non sono le foglie, o il frutto ma la saggezza
5) Bagai: ragazzo
6) ca al se carga de früc’ e amìs a cènt a cènt: che si carica di frutti e amici a cento a cento
7) Rèdès: altro nome per ragazzo
8) de ti, al me par ca pós ca fidàs: di te, mi sembra che non posso fidarmi
9) Margnac: stupidotto
IL CACHI
Nei nostri paesi capita spesso
che vicino all'abitazione, nella pertinenza vicina,
una pianta di cachi fa ornamento
a tutto il giardino della casa.
Quelli che passano, lo guardano e pensano:
che bella pianta, che bella presenza;
ma nessuno fa caso che la sua bellezza,
non sono le foglie o i frutti ma la saggezza.
Il cachi, di primavera è un bambino innocente
che si carica di frutti e amici a cento a cento;
passa qualche mese e arriva l'estate,
e il bambino un uomo è ormai diventato !
Conta i cachi, si mette a pensare:
tu sei giusto e ti faccio maturare;
di te non mi posso fidare,
e meglio che ti mollo, ti lascio cadere per terra !
Così ragiona la pianta di cachi,
uguale fa l'uomo se non è fesso:
gli amici sinceri, li tiene sul cuore,
gli altri è meglio lasciarli perdere !
