Sant Natáal 2019
di Paolo Piani 17-12-2019
L’È NÁAT OL SIGNÓR
Mi ‘l só ca sa l’era fiocáat
l’anvèren ca ‘sto miracòl l’è capitáat;
dè sücür ghéra stac’ ol censimèet
e par li stradi al viagiàva tata gèet,
parché ognantüu l’éva da registràs
própi ‘n de chèl paés ‘ndùa se nàs;
fra i táac’ ca ‘ndava, áa düu cristià
diréc’ a Betlemm, ma a piáa a piáa:
Maria sentada a caval de n’asnìna,
Giusèp ca-i-le cürava còme n’ööf en pilisìna
(l’era ‘ncinta e scürlidi la podéva ca ciapáa
sǜ chèla stradüscia ca la fava scapüsciáa!)
E quanca, strach come àsegn, iè ruáac’,
‘n den léc’ volenteri i sé sarìs slongáac’,
ma par lór ghèra ca pü post sóta ’ n tèc’,
nóma ‘na masùnascia, al scür e al fréc’!
Ma ‘n gha ca da fàsen maravéa, adès,
l’è pasáat dumìla àgn ma l’è amó stès:
áa ‘ncödì, par chi ca rua mìser e disperáac’
i pòsc’ par truáa requi, iè sempri seràac’!
Però ol Gesǜ Bambìn ca stanoc’ l’è náat,
al conoseva già ol nòs cóor sfaltáat:
própi par chèsto, la sua vita la ulüut baratáa
par pudìi chèla mìsera di Sói fiöi salváa!
E adès, al ghè'n fa niént da durmìi
en de’na prisìif sensa cuèrti e cusìi:
la pianta dèl Sò cóor già la marüda i früc’
par nutrim en di dì béi e ‘nde chìi brüc’!
E Ti, Madunina Santa, ca adès mama Te sée,
varda ca i nòs pecáac’, cuntinua a ulìm bée:
prega par nüü ‘n tèra e par chi ‘n ciél te ciamáat
ma chiló ‘ndèli nósi baiti 'n grant vöit i-à lagáat !
Fa ca la Tua preghiera al sìes ol nòs regáal …
e áa chèsto al sarà 'n bèlisem e Sant Natáal!
È NATO GESÚ
Non so se fosse nevicato
l’inverno che questo miracolo è capitato;
di sicuro c’era stato il censimento
e per le strade viaggiava tanta gente,
perché ognuno doveva registrarsi
esattamente nel proprio luogo natio;
fra i tanti che andavano, anche due persone,
dirette a Betlemme, ma piano piano:
Maria seduta a dorso di un’asinella,
Giuseppe che la curava come un uovo senza guscio;
(Lei era incinta e scossoni non poteva prendere
su quella stradaccia che faceva inciampare!)
E quando, stanchi come bestie, sono arrivati,
su un letto volentieri si sarebbero buttati,
ma per loro non c’era più posto sotto un tetto,
solo una stalla malmessa, al buio e al freddo!
Ma non dobbiamo meravigliarcene, adesso,
duemila anni son passati ma è lo stesso:
anche oggi, per coloro che arrivano miseri e disperati
i posti per trovar pace, sono sempre sprangati!
Però il Bambino Gesù che stanotte è nato,
conosceva già il nostro cuore asfaltato:
proprio per questo la sua vita ha voluto barattare
per poter quella misera dei Suoi figli salvare!
E ora, non gli importa niente di dormire
in una mangiatoia senza coperte e cuscino:
la pianta del Suo cuore già matura i frutti
per nutrirci nei giorni belli ed in quelli brutti!
E Tu, Madonnina Santa, che adesso sei mamma,
non guardare i nostri peccati, continua ad amarci:
prega per noi in terra e per chi in cielo hai chiamato,
ma qui nelle nostre case un gran vuoto ha lasciato!
Fa che la Tua preghiera sia il nostro regalo …
e anche questo sarà un bellissimo e Santo Natale !
