Tramónt al Merìc'
di Paolo Piani - 07-07-2022
TRAMÓNT AL MIRĺC’
Densìra sü a Mirìc’
òl sùul al va gió a pic’ a pic’:
tüt de òor al colóra li scimi güzzi
come èn pitóor da li mila astüzzi!
Còi söo ragi l’ha scoldàat tǜc’,
chi béi e pó àa chi brǜc’;
prǜma dè scapàa, al manda basìi
a chi granc’ e ai piscinìi!
Sa te sée sü èn buna compagnia
de sücǜur al mancarà ca l’alegria;
urìs òl zaino, tira fó la butiglia,
sbarlata i ṍc’ e ‘nciòchet de meraviglia:
òl mónt l’è própi bèl
a vardal da ‘sto pontaśèl,
sènsa canù e sènsa bómbi,
ma nòma marmóti al sùul giocóndi!!!
TRAMONTO AL MERIGGIO
Alla sera su al Meriggio tra le rocce
Il sole tramonta a gocce a gocce:
tutto d’oro colora le cime aguzze
come un pittore dalle mille astuzie!
Con i suoi raggi ha scaldato tutti,
sia quelli belli che quelli brutti;
prima di scappare, manda bacini
sia ai grandi sia ai piccini!
Se sei su in buona compagnia
di sicuro non mancherà l’allegria;
apri lo zaino, tira fuori la bottiglia,
spalanca gli occhi e ubriacati di meraviglia:
il mondo è proprio bello
a guardarlo da questo balconcello,
senza cannoni e senza bombe,
ma solo marmotte al sole gioconde!!!
