Chèla òlta lè 'ndacia iscé
di Vittorio Crapella 23-10-2024
Chèla òlta lè 'ndacia iscé
Fìna i lura sevi ndac' sempri col gèrlo normal e la Panda 4x4; quanca lè cuminciàat a ignì tüt a corènt e truavi ca pü da fà giustàa la Panda, me sóo lagàat cunvinsc de tó na carèta de machèna a bateria.
Parlàm de bateria ca la usavi già dol '60 par ol recinto deli vachi, le stac' coma dim "töla töla, al cambia ca tàat, al pòst del fìl la gha li rödi".
Già ca ghè seri ho dìc': "tölemla con 'n pìt de casù, isce al pö pò stàch sü ol gèrlo, 'mpìt de légna, ol patüsc, quai brasciöi de fée e ach se pròpi 'na caòra o 'na pégora e, sal döés capitàa, a 'n vedèl pena nasüut.
Otrochè, l'era comoda, sènsa marci, la fava ca gnè füm gnè rumóor, 'ndàa a chèla manéra l'era coma fà spàs.
A ca cargàa la bateria sensa odóor de binzina, zàch itè la spina e via. Püsé green di scé se pó ca.
Già, ghè öleva ol sò tèep par cargala bée ma otramèet dopo sa 'ndava ià ca l'era 'n piasé.
A olti al pareva de vìch scià 'na slìta da nudrigàa a'igningió d'ènvèren sü la strada cola nìif.
Na dòmàa a bunùra trósü 'ndel casù quatro ròp, la fòlsc i martei el còdèer, ol zaino cola marènda el fiàsch dol vìi e mè invìi sü par 'ndàa a segàa i prac' a San Salvadù.
Zìm e zàm, 'n orgaröl e pò l'otro èn dè nàtem sóo a Santantoni e pò ité coma èn viulìi fìna al Cantù, svolti a manvèrsa e 'ndè n'àto sóo a Nèmbro.
Só réet par ciapàsü l'ültem tirù, prüma de ruàa sü, ca'l sè pìza 'na spia rósa e 'na óos fòrèsta ca la mè dis: "stai affrontando una salita assai difficoltosa, mancano ancora 545 metri, con questi consumi di corrente non arriverai in cima".
Coma la fàc' a savìi i métri mi só pò ca; s'al ghé fös stac' amò ol póro Bórtol 'l sè sarés fac' meravea miga pòch.
Sàntui, chèsta la ghé öleva ca, ma al me vée 'n mèet ca da quai part ò leigiüt "..quando l'auto va in discesa si ricarica la batteria...".
Perdio santo, me fermi e a 'na quai manera òlti la machèna e giò a bàla fina amò al Cantù quanca vedi i numer dela bateria ca iera ruac' a 35.
Tra mi e mi ò pensat: "adès doés ruàch".
Riperli la machèna e riciàpisü a 'ndàa. Òo sé sé, rui dopo ol spiazèt dè Nèmbro e an sè amò achèla, "batteria da ricaricare".
Quatro madóni, giri dapé e mè tirifò 'ndèl spiàz e la parchégi e me armi de bùna ölontà, mèti ol zaino èn spala con tacàat sü i martéi e ol còdèer, ciàpi la fòlsc èn màa e la pügi a lée sü 'nde 'na spala e via a pé coma 'n bòt.
Li comodità sli paga e a saladi.
Quella volta è andata così
Fino allora ero sempre andato con la gerla e la Panda 4x4; quando è diventato che tutto andava a corrente e non trovavo più chi mi riparava la Panda, mi sono lasciato convincere a comprare un'auto elettrica a batterie.
Parlarmi di batteria che la usavo già dagli anni '60 per il recinto elettrico delle mucche, è stato come dirmi "prendila prendila, non cambia molto, al posto del filo ha le ruote".
Già che c'ero mi son detto: "pigliamola con un piccolo cassone, così ci può stare la gerla, un poco di legna, lo strame, e qualche bracciata di fieno e se proprio anche una capra o una pecora e , se capita, acnhe un vitello appena nato.
Altroché, era comoda, senza marce, non faceva né fumo né rumore, andare in quel modo era come giocare.
A caricare la batteria non si sente odore di benzina, infili la spina e via. Più green di così non si può.
Già, ci voleva il suo tempo per caricarla bene ma poi si andava che era un piacere.
Certe volte pareva di avere tra le mani una slitta da governare mentre si scendeva d'inverno sulla strada con la neve.
Una mattina di buonora metto sul cassone quattro cose, la falce, gli attrezzi per affilarla con il porta cote, lo zaino con la merenda e il fiasco del vino e mi avvio per andare a falciare i prati a San Salvatore.
Zim e zam, una curva e poi l'altra e in un attimo arrivo a Sant'Antonio e poi dentro con facilità fino al Cantone, giro a sinistra e in un attimo sono a Nembro.
Stò per prendere l'ultimo pezzo di strada ripida, prima di arrivare a destinazione, e vedo accendersi una spia rossa e una voce sintetizzata che mi dice: "stai affrontando una salita assai difficoltosa, mancano ancora 545 metri, con questi consumi di corrente non arriverai in cima".
Come ha fatto a sapere i metri io non so; se ci fosse stato ancora il povero Bortolo si sarebbe meravigliato non poco. Santiddio, questa non ci voleva viene in mente che da qualche parte ho letto "..quando l'auto va in discesa si ricarica la batteria...".
Per Dio santo, mi fermo e in qualche modo giro la macchina e giù di volata fino ancora al Cantone quando vedo i numeri della batteria che erano arrivati a 35. Tra me e me ho pensato: "adesso dovrei riuscire".
Rigiro la macchina e riprendo ad andare. Oh si si , arrivo dopo lo spiazzo di Nembro e siamo ancora a quella, "batteria da ricaricare".
Quattro bestemmie, giro di nuovo e parcheggio nello spiazzo e mi armo di buona volontà, metto lo zaino in spalla con appeso gli attrezzi per affilare la falce, prendo la falce in mano e l'appoggio anche lei alla spalla e via a piedi come ai vecchi tempi. Le comodità si pagano e anche salate.
