Ol legnamèer e l'armàri
di Vittorio Crapella 07-01-2020
Ol legnamèer e l'armàri
Chèsta lè 'na storia de dùu spusìi, lée 'na béla spósa e lüu 'mpóo gelóos.
Pròpi per fàs perdunàa 'na scenada de gelosia sènsa nèsün fondamèet, l'om al decìt de fàch 'n bèl regàal a la sua fémma: 'n'armàri a müur de mèt 'n càmera 'ndua i stà a durmìi, pròpi grànt a trei ànti, paréc' ripiàa e àa coi te ol bastù par tacàa sǜ i omèc'.
I'era 'n pòoch ca i gh'eva 'n'armàri iscé de lüso e tüti li amìiśi dèla spósa li vava ilò par idìl.
La fémma l'era contèta e ormai la se regordàva ca pü gnàa dèla scenada de gelosia del sò óm.
La cà dei dùu spusìi l'era visìna ala fèróvia e tüti li ólti ca'l pasàva 'l tréno, 'n póo par la strütüra dèla cà e àa fórsi par l'armàri ca al gh'eva vargòt de fisàat màal, chèsto scrisciolava e certi òlti al pareva ca'l closcés coma s'al se rompés i ripiàa.
Ilura la fémma la pensàat bée de dighèl al legnamèer ca dopo vì sentüut chèl ca la ghà cüntat sǜ al ghà dìc': "Scióra, lè ca 'l prüm ca mè mònta de chìsc' armàri, al pò ès ca 'l ghàbès besògn de quai dì de asestamèet, se pròpi al fracàs al pàsa ca, vegni ilò a dàch 'n'ögiada".
La scióra l'era ca tàat cunvinta e la ghà dic' ca l'era mei 'ndàa ilò sübèt.
Iscè 'l legnamèer al và ilò e al prua a idìi se lè 'n bùla e 'l ghè da 'na göta de oli sǜ 'ndèli asoli de li ànti e al ghè pàr tüt a pòst, al le salüda e 'l rèsta d'acordi ca se par cas 'l fà amò rumór, 'l tornarà dapè 'nòtra òlta.
Da lì a pòoch, pena ca l'era 'ndàc' ià, lè scià 'l treno e l'armàri al fà amò i sóo vèers.
Ol dì réet al torna dapè e al prua amò li anti e i ripiàa e a stà òlta 'l pàr tüt apòst, a chèl punto la scióra la ghè dìs: " 'N sè réet a pèrt tèep, ghè öl de speciàa 'l tréno par capìi coma 'l fà".
'L legnamèer al varda l'ura e 'l capìs ca ol tréno al sarìs ruat nòma dopo 'n'ura bùna, e iscè al ghè dìs: "Torni domàa al'ura giüsta dol tréno iscè 'n sènt bée chèl ca al fà".
A mò 'na òlta al töl sǜ e'l và.
Nel frà tèep, l'óm dèla scióra, ca l'era sèmpre sül chì và là, dopo vì idüut stò legnamèer 'nda ité e fò de cà 'l sè 'nsospètis e gnàa ca fàl a posta, ol dì réet 'ntàat ca'l andàva a laòràa 'n'màchena, al vìt ol legnamèer ca'l rua e pò al suna ol campanèl de cà.
Al gira la machèna, al torna 'nréet e 'l se ferma 'n pìt ilà e 'l spècia 'na deséna de münüc' e pò al decìt de 'ndà di tè 'n cà.
Ntàat chèl de l'armàri al s'era seràat sǜ d'itè deréet a 'n'ànta par scöltàa mei quanca 'l pasàva ol trèno.
L'óm, fò di ascìi, 'l rua ditè e'l ghè ösa ala fèmma: " 'Ndua lè ? Tö idìi ca te le piacàat itè 'n càmera !".
Al và 'n càmera e sübet al ghè vée 'n mèet l'armàri, al véert 'n'ànta e... già, ghè ilò ol legnamèer con scià 'n martèl 'n màa e li braghi sbutunàdi par pudìi stà itè 'n cruscilù parchè al gheva 'na bèla baga.
L'óm dèla femma al ghè dìs a öos fòrta: "Ah, sóo curióos adès de sintìi ca te ghée de cüntam sǜ ! 'N chèla guisa, itè ndèl armàri, 'n càmera da léc' de cà mia !"
Ol legnamèer, tüt strimìit, sènsa paróli, al betéga sǜ vargòt e al ghè rua a dìi:
"Ti...ti... te me credarée ca mai... ma mi... mi só chilò ca spèci ol tréno... par giüstàch l'armari a la tua mié ca la se lamènta e la völeva che ghè vardés réet".
Il falegname e l'armadio
Questa è una storia di due sposini, lei una bella sposa e lui un po' geloso.
Proprio per farsi perdonare una scenata di gelosia senza nessun fondamento, l'uomo decide di fargli un bel regalo alla sua signora: un armadio a parete da mettere in camera dove dormono, uno di quelli grandi a tre ante con molti ripiani ed anche con il bastone per appendere gli attaccapanni.
Erano in pochi ad avere un armadio così di lusso e tutte le amiche della sposa andavano lì per vederlo.
La donna era contenta e ormai non si ricordava neppure più della scenata di gelosia.
La casa dei due sposi era vicina alla ferrovia e tutte le volte che passava un treno, un po' per la struttura della casa e forse anche per l'armadio che aveva qualcosa di fissato male, questo scricchiolava e certe volte pareva lamentarsi da sembrare rompersi i ripiani.
Allora la donna ha pensato di dirlo al falegname che dopo aver sentito quello che gli ha raccontato gli rispose: "Signora, non è il primo che montiamo di questi armadi, può essere che abbia bisogno di qualche giorno per assestarsi, se proprio il rumore persiste, ritorno a dargli un'occhiata.
La signora non era tanto convinta e gli disse che era meglio andasse li subito.
Così il falegname va lì e verifica se era ben livellato e mette un goccio di olio sulle cerniere delle ante e gli sembra tutto apposto, la saluta e rimane d'accordo che se per caso faceva ancora rumore sarebbe tornato.
Da lì a poco, appena che si era allontanato, arriva il treno e l'armadio fa ancora i suoi lamenti.
Il giorno dopo ritorna ancora e riprova le ante e i ripiani; anche questa volta pare tutto in regola, a quel punto la signora gli disse: " Stiamo perdendo tempo, bisogna aspettare il treno per capire cosa fa".
Il falegname guarda l'ora e comprende che il treno sarebbe arrivato solo dopo un'ora abbondante e così disse: " Torno domani all'ora giusta del treno così sentiamo bene cosa succede".
Ancora una volta se ne va via.
Nel frattempo, il marito della signora, che era sempre sul chi va là, dopo aver visto questo falegname andare e venire di casa si insospettisce, e neanche a farlo apposta, il giorno dopo intanto che andava al lavoro in macchina, vede il falegname che arriva e poi suona il campanello di casa.
Gira la macchina, torna indietro e si ferma un poco più in là e aspetta una decina di minuti e poi decide di entrare in casa.
Intanto quello dell'armadio si era chiuso dentro dietro un'anta per ascoltare meglio quando passava il treno.
Il marito, fuori di sé, entra in casa e gli urla alla moglie: "Dov'è ? Vuoi vedere che l'hai nascosto in camera !"
Va in camera e subito gli viene in mente l'armadio, apre un'anta e ... già, lì c'è il falegname con in mano un martello e i pantaloni sbottonati per poter stare dentro l'armadio accovacciato perché aveva una bella pancia.
Il marito gli dice a voce alta: "Ah, adesso sono curioso di sentire cosa hai da raccontarmi ! In quelle condizioni, chiuso dentro l'armadio, in camera di casa mia !"
Il falegname, tutto impaurito, senza parole, balbetta qualcosa e riesce a dire: "Tu.. tu... non mi crederai mai... ma io .. io sono qui ad aspettare il treno... per aggiustare l'armadio a tua moglie che si lamenta e voleva il mio intervento".
