Ol nóm dèl magènch Feit
di Vittorio C. 20-04-2023
Par chìi ca i domandàva da 'nghée ca'l rùa ol nóm Feit.
Storia 'nvèntada da véra ☺
Ol preòst Batista di Cuntrìi dèl Bośàgia, 'ntóren al 1500, 'ntàat ca'l vavasü réet ala mülatéra ca dali Vàlmàni 'l portàva a San Salvadù, pèna prǜma dè Nèmbro, èn de 'na pastǜra mìga taat grànda, là 'ncuntràat 'n pastóor ca'l remavascià li sṍi póchi vàchi èn dèn barèch.
Ol prèvet, a mìga idìi gnàa 'na bàita gné 'na maśù, la sclamàat èn latìi:
<<habes aedificare stabili>> (te dè fàsǜ 'na maśù)
'L pastóor, ca'l cónóseva 'na quai paròla dè latìi, parché 'l gheva 'n fradèl prèvet, là pensàat dè respónt: "Feit", a sò dìc' l'öleva pò dìi <'l sarà fàc'> ènvéce ol significàat giüst <l'era fàc'>.
A tògni modo ol prèost Batista là capìit chée ca'l völéva dìi, là salüdàat e l'è ndàc' par ol sò sentéer.
'L pastóor, dè paròla, èn póoch dì, ütàat àa da otri sṍö paeśàa, l'à fàc' sü 'na bàita, stàla sót e maśù dol fée sùra, coi sàs cavàtfó e 'nmögiàac' ndè'na müraca, quànca i gheva fàc' té pràac' ndéli pastǜri ilò a pröof.
Quànca, dòpo 'na quindeśena dè dì, ol preòst Batista al vigniva 'ngió da San Salvadù, a idìi chè la baita <l'era faciasü> con taat dè maśù par li vachi, la sclamàat:"FEIT".
Lè stac' iscé ca da ilùra l'è naśüut 'n magènch nṍof ca'i l'à ciamàat Feit, e òtri pastóor ià fàc' sü amò bàiti con òtri stàli e maśù dol fée.
Per chi chiedeva da dove deriva il nome Feit
Soria inventata davvero.
Il parroco Battista Contri di Albosaggia, attorno al 1500, mentre saliva la mulattiera che dalle Val Mani portava a San Salvatore, appena prima di Nembro, in una pastura non tanto grande, incontrò un pastore che radunava le sue poche mucche in un recinto.
Il sacerdote, non vedendo nemmeno una baita né una stalla, esclamò in latino:
<<habes aedificare stabili>> (devi fabbricare una stalla)
Il pastore, che qualche parola di latino la conosceva perché aveva un fratello prete, pensò di rispondere:
"Feit" pensando di voler dire 'sarà fatto' in realtà correttamente significava 'era fatto'.
In ogni modo il reverendo Battista capì cosa volesse dire, lo salutò e proseguì il suo cammino.
Il pastore, di parola, in pochi giorni aiutato anche da suoi paesani costruì una baita, stalla sotto e fienile sopra, utilizzando i sassi ricavati e ammucchiati quando avevano trasformato alcune pasture circostanti in prato.
Quando dopo una quindicina di giorni il parroco Battista scendeva da San Salvatore, vedendo che quello stabile 'era fatto' con tanto di stalla per le mucche, esclamò: "FEIT".
Fu così che da allora nacque il nuovo maggengo che chiamarono Feit e altri pastori costruirono ancora baite con altre stalle e fienili.
