Tàat par tirà nòc'
di Vittorio C. 30-11-2024
Tàat par tirà nòc'
'N bòt am gheva 'na vàca cèrva ca la neva òia de scorgnàa e quanca se 'ndava sóta par muigela gheva ol vìzi de spescia...Qunca s'li viavafò a fà bìif la scvalava coma 'na tùriscia; èn bèl dì de mars, la ghà scià la röda es scapiva a dala natüra; iscé am là mènada al tòr a fala manzìi.
Là tignüt ol prüm colp, am là mandada i mùut prégna pò lè pasatfò ol somartìi e ormai l'era scià Natàal ca la pasàat ol térmen e la cüminciava a steportàa.
'Ndèl gìr de pòoch dì là cuminciàat a mèt e pròpi la vigiglia dè Natàal, 'ntàat ca davi rigola, me'ncorgi ca la mòlàat i curdù e al péc' l'era bèl gròs.
Ala sira, prüma dè 'ndàa a durmìi, ndó gió 'n bòt 'ndèla masù aidìi; la cuminciava a baregàa, ormai l'era scià alórden.
Enchèla la se bütagió e la cumincia a punciàa e dala natüra vedi spuntàa i ungìi del pesciöl del vedèl ma l'era nòma üu, iscé òlti ité la manega e ghè ndóo èn dòs còla màa e sübèt trui l'òtro pè ca l'era oltàat 'nréet, góo ruàat a giràl e tiràlfò a pari dè l'orto.
Lóo lagada dai a punciàa 'mpóo, quanca ò idüut ca la fàava belebée fadiga, sò 'ndàc' a tó ol cubièt de corda de cànef e lò tacàat ai pée e 'ntàat ca la punciava tiravi a mi, iscé èn dè nàtem lè ütfò 'l vedèl.
Ghò liberàat ià ol nàas e la bùca da quai pilisini par fàl respiràa bée e pò aglóo tiràat ià denaz al vàca ca la se mèsa a lècal.
Ala domàa a bunura gò fàc' tetàa ol lac' colostro, l'era 'na vedèla bèla viscola.
Tanto per tirare notte
Una volta avevamo una mucca cerva che aveva voglia di dare cornate e quando si andava sotto per mungerla aveva il vizio di tirare pedate... Quando si mandavano a bere alla fontana saltava addosso ad altre mucche come un toro; un bel giorno di marzo, ha l'estro e si capiva anche dalla natura; così l'abbiamo portata a fecondare.
È rimasta pregna il primo colpo, l'abbiamo mandata in alpeggio poi è passato l'autunno e ormai era quasi Natale che aveva passato il termine e cominciava a ritardare il parto.
Nel giro di pochi giorni ha cominciato a ingrandire l'apparato mammario e proprio la vigilia di Natale, intanto che governavo le mucche nella stalla, mi sono accorto che aveva mollato i cordoni vicino alla coda ed anche l'apparato mammario è proprio gonfio.
Alla sera, prima di andare a coricarmi, vado nella stalla a vedere; cominciava a muoversi come se avesse le doglie, era praticamente pronta per partorire.
Nel frattempo si sdraia e comincia a spingere e dalla natura vedo spuntare le unghie degli arti del vitello ma era solo uno, così ho arrotolato la manica e sono entrato con la mano e subito ho trovato l'atro arto girato indietro, ci sono riuscito a girarlo e tirarlo in fuori alla pari dell'altro.
L'ho lasciata continuare a spingere un po', quando ho visto che faceva molta fatica, sono andato a prendere una corda di canape e l'ho attaccata ai piedi e intanto che spingeva tiravo pure io, così in un attimo il vitello è uscito.
Gli ho liberato il naso e la bocca da alcune pellicine per farlo respirare bene e poi lo tirato davanti alla mucca che si è messa a leccarlo .
Alla mattina a buonora lo fatto allattare per succhiare il latte colostro, era una vitella bella discola.
